105. "ಅಜ್ಜಂಪುರ" ಸ್ಥಳನಾಮದ ಸುತ್ತ...........!



ಆತ್ಮೀಯ ಓದುಗರೇ,

ದಿನಾಂಕ 16-02-2020 ರಂದು ವಾಗರ್ಥವೆಂಬ ಫೇಸ್ ಬುಕ್ ಅಂಕಣದಲ್ಲಿ ಪ್ರಕಟವಾದ ಶ್ರೀ ಮಾಧವ ಅಜ್ಜಂಪುರ ಅವರ ಕಿರುಬರಹವು ಅಜ್ಜಂಪುರದ ಸ್ಥಳನಾಮದ ಬಗ್ಗೆ ಚರ್ಚೆಯನ್ನು ಹುಟ್ಟುಹಾಕಿದೆ. ಅವರ ಆಸ್ಥೆಯನ್ನು ಮೆಚ್ಚುತ್ತೇನೆ.  ಇದು ಸಾಮಾಜಿಕ ಜಾಲತಾಣದ ಶಕ್ತಿಯೂ ಹೌದು. ಒಂದು ವಿಷಯದ ಬಗ್ಗೆ ಚರ್ಚೆ ಆರಂಭವಾಯಿತೆಂದರೆ, ಅದಕ್ಕೆ ಇರುವ ಹಲವು ಆಯಾಮಗಳು ಹೊರಬರುತ್ತವೆ. ಹೊಸ ಸಂಗತಿಗಳು ತಿಳಿಯುತ್ತವೆ. ಈ ಕಾರಣದಿಂದ ಇದುವರೆಗೆ ಪ್ರಕಟವಾದ ಅಭಿಪ್ರಾಯಗಳನ್ನು ಇಲ್ಲಿ ದಾಖಲು ಮಾಡಿರುವೆ. ನನ್ನ ಅಭಿಪ್ರಾಯವನ್ನೂ ನಮೂದಿಸಿರುವೆ. ಅನೇಕರು ಈ ವಿಷಯದ ಕುರಿತು ಆಸಕ್ತಿಯಿಂದ ಸ್ಪಂದಿಸಿದ್ದಾರೆ. ಶಾಸನಾಧಾರಿತ ಮಾಹಿತಿಗಳನ್ನು ಹುಡುಕುವಂತೆ ಸಲಹೆ ನೀಡಿದ್ದಾರೆ. ಅವರೆಲ್ಲರಿಗೂ ಧನ್ಯವಾದಗಳು. ಈ ಕುರಿತು ಇನ್ನಷ್ಟು ಮಾಹಿತಿಗಳು ದೊರೆತಂತೆಲ್ಲ ಅದನ್ನೂ ಇಲ್ಲಿಯೇ ಸೇರಿಸಲಾಗುವುದು.


14 hrs · Public

ಈಚೆಗೆ ನನ್ನ surname ಆಗಿರುವ "ಅಜ್ಜಂಪುರ"ದ ಬಗ್ಗೆ ಒಂದು ಸ್ವಾರಸ್ಯವಾದ ಕತೆ ಕೇಳಿದೆ. ಅದರ ತಾತ್ಪರ್ಯ ಹೀಗಿತ್ತು:
"ಅಜ್ಜಂಪುರ" ಎಂಬುದು "ಅಮ್ಮಿಜಾನ್ ಪುರ" ಆಗಿತ್ತು. ಅಮ್ಮಿಜಾನ್ ಎಂಬ ಒಬ್ಬ ಮುಸಲ್ಮಾನರು ಆ ಊರಲ್ಲಿ ನಡೆಯುವ ಸುಮಾರು ಎಲ್ಲ ಕಾರ್ಯಕ್ರಮಗಳಿಗೆ ಸಹಾಯ ನೀಡುತ್ತಿದ್ದರು. ಆದ್ದರಿಂದ, ಆ ಊರಿನ ಹೆಸರು 'ಅಮ್ಮಿ ಜಾನ್ ಪುರ' ಆಯಿತು. ಕಾಲಕ್ರಮೇಣ ಅದು "ಅಜ್ಜಂಪುರ"ವಾಯಿತು.
ಹಾಗೆ, ಈ ಮಾತಾಡಿದವರು (ಅವರ ಕತೆಯ ಸಮರ್ಥಿಸುವಂತೆ) ಇನ್ನೊಂದು ಮಾತೂ ನುಡಿದರು.
ಅದರ ತಾತ್ಪರ್ಯ: "ಅಜ್ಜಂಪುರ" ಎಂಬ ಹೆಸರು ಕನ್ನಡದ ಜಾಯಮಾನಕ್ಕೆ ಸಲ್ಲದ ಹೆಸರು.
ಅದು ಸರಿಯೇ? 'ಅಜ್ಜಂಪುರ' ಎಂಬುದು ಕನ್ನಡದ್ದೇ ಪದ ಆಗಿರಲಾರದೆ? ಯಾಕೆ?


  • Gst Prabhu Prabhu

    ಏಕೆ ಅಜ್ಜನಪುರ ಅಜ್ಜಂಪುರವಾಗಿರಬಾರದು. ಚಿಕ್ಕ ಮಗಳ ಊರು ಚಿಕ್ಕಮಗಳೂರು ಮತ್ತು ಹಿರೇ ಮಗಳ ಊರು ಹಿರೇಮಗಳೂರು ಆದಂತೆ. ಇವೆಲ್ಲ ಮೊಘಲರು ಬರುವುದಕ್ಕಿಂತ ಮುಂಚೆಯೇ ಇದ್ದ ಊರುಗಳು ಎಂಬುದು ನನ್ನ ಅನಿಸಿಕೆ.

    2
    • Like
    • Reply
    • 14h



  • Manjunatha Kollegala
    badge icon

    ಅಮ್ಮೀಜಾನಪುರದ ಬಗ್ಗೆ ಆಮೇಲೆ ನೋಡೋಣ, ಅಜ್ಜಂಪುರ = ಅಜ್ಜನ ಪುರ ಎಂಬ ಅರ್ಥವನ್ನೇ ತೆಗೆದುಕೊಂಡರೂ ಅದು ಖಂಡಿತಾ ಕನ್ನಡದ ಜಾಯಮಾನಕ್ಕೆ ಒಗ್ಗುವ ಪರಿವರ್ತನೆಯೇ. ಹೀಗೆ:
    ಅಜ್ಜನ ಪುರ > ಅಜ್ಜನ್ ಪುರ. ನಕಾರದ ಅರ್ಧಾಕ್ಷರಗಳು ಸೊನ್ನೆಗೆ ಹತ್ತಿರವಿರುವಂಥವು, ಬಳಕೆಯಲ್ಲಿ ಕ್ರಮೇಣ ಸೊನ್ನೆಯೇ ಆಗಿ ಪರಿವರ್ತಿತವಾಗುವಂಥವು. (ಸೊನ್ನೆಯೆಂಬುದು ತನ್ನ ಮುಂದಿರುವ ಅಕ್ಷರದ ವರ್ಗಾಂತ್ಯದ ಅನುನಾಸಿಕವಾಗಿ ಉಚ್ಚರಿಸಲ್ಪಡುವುದು ಗೊತ್ತಲ್ಲ, ಉದಾಹರಣೆಗೆ ರಂಗ = ರಙ್ಗ, ಮಂಚ = ಮಞ್ಚ, ಒಂಟೆ = ಒಣ್ಟೆ, ಬಂತು = ಬನ್ತು, ರಂಪ = ರಮ್ಪ ಹೀಗೆ).
    ಹೀಗಾಗಿ ಅಜ್ಜನಪುರ (ಇಲ್ಲಿ ಸೊನ್ನೆಯಿಲ್ಲ, ಗಮನಿಸಿ) ಎನ್ನುವುದು ಬಳಕೆಯಲ್ಲಿ ಅಜ್ಜನ್ ಪುರ ಎಂದಾದಾಗ ಇಲ್ಲಿನ ನ್ ಅಕ್ಷರವು ಸೊನ್ನೆಯಲ್ಲದಿದ್ದರೂ ಸೊನ್ನೆಯ ಸಮೀಪಭ್ರಮೆಯನ್ನುಂಟುಮಾಡುತ್ತದೆ. ಆಗ ಅಜ್ಜನ್ ಪುರ ಎನ್ನುವುದು ಅಜ್ಜಂಪುರ ಎಂದಾಗಿ ಅಜ್ಜಮ್ಪುರ ಎಂದು ಉಚ್ಚರಿಸಲ್ಪಡುತ್ತದೆ. ಇದೇನು ಈ ಒಂದು ಹೆಸರಿಗೋಸ್ಕರ ಬೆಳೆಸಿದ ವಿವರಣೆಯಲ್ಲ - ಕನ್ನಡದಲ್ಲಿ (ಹಾಗೂ ಇತರ ಸೋದರಭಾಷೆಗಳಲ್ಲೂ) ಈ ರೂಢಿ ಸಾಮಾನ್ಯ. ಉದಾಹರಣೆಗೆ ಈ ಪದಗಳನ್ನು ನೋಡಿ (ಕೆಲವು ಆಡು ಮಾತಿನ ಬಳಕೆಗಳು, ಶಿಷ್ಟ ಬಳಕೆಗಳಲ್ಲ)-
    ನನಗೆ > ನನ್ ಗೆ > ನಙ್ಗೆ > ನಂಗೆ;
    ಕಣ್ಗಳು > ಕಙ್ಗಳು > ಕಂಗಳು
    ಮುನ್ ಸೆರಗು > ಮುನ್ ಚೆರಗು > ಮುನ್ಜೆರಗು > ಮುಂಞ್ಜೆರಗು >
    ಮುಂಜೆರಗು (ಇಲ್ಲಿ ಸಕಾರ ಚಕಾರ ಜಕಾರದ ಬದಲಾವಣೆ ಬಿಡಿ, ನಕಾರವು ಞಕಾರವಾಗಿ ಆಮೇಲೆ ಸೊನ್ನೆಯಾದದ್ದನ್ನು ಗಮನಿಸಿ)
    ಬಾನ್ ಪೊಳೆ > ಬಾನ್ ಬೊಳೆ > ಬಾಂಬೊಳೆ (ಪಕಾರ ಬಕಾರದ ಬದಲಾವಣೆ ಇರಲಿ, ನಕಾರವು ಮಕಾರವಾಗಿ, ಸೊನ್ನೆಯಾಗಿದ್ದನ್ನು ಗಮನಿಸಿ)
    ಬಂದುಬಿಡು > ಬಂದ್ ಬಿಡು > ಬನ್ ಬಿಡು > ಬಂಬಿಡು
    ಬಾನ್ ಸುರಿ > ಬಾಂಸುರಿ
    ಇದೇ ರೀತಿ ಅಜ್ಜನ್ ಪುರ > ಅಜ್ಜಮ್ಪುರ > ಅಜ್ಜಂಪುರ ಎನ್ನುವುದು ಕನ್ನಡಕ್ಕೆ ಸಹಜವಾದ ಪರಿವರ್ತನೆ.
    ಅಮ್ಮೀಜಾನರ ಕತೆಯ ವಿಷಯ ಗೊತ್ತಿಲ್ಲ. ಅಮ್ಮೀಜಾನರ ಸಹಾಯವಿಲ್ಲದೆಯೂ ಅಜ್ಜನ ಪುರವೇ ಅಜ್ಜಂಪುರವಾಗಲು ಸಾಧ್ಯ. ಅಮ್ಮೀಜಾನ್ ಎಂಬುವರ ಕಾರಣದಿಂದ ಆ ಸ್ಥಳಕ್ಕೆ ಆ ಹೆಸರು ಬಂದಿದ್ದರೆ ಅದು ಅಸಾಧ್ಯವೇನಲ್ಲ. ಸ್ಥಳೀಯ ಹಿರಿಯರ ಮಹನೀಯರ ಹೆಸರುಗಳು ಆಯಾ ಸ್ಥಳಕ್ಕೆ ಬರುವುದು ಅಪರೂಪವೇನಲ್ಲ. ಅಮ್ಮೀಜಾನಪುರವು ಅಜ್ಜಂಪುರವಾಗುವುದೂ ಸಹಜಪ್ರಕ್ರಿಯೆಯೇ - ಹೀಗೆ
    ಅಮ್ಮೀಜಾನ ಪುರ > ಅಮ್ಮೀಜಾನ್ ಪುರ > ಅಮ್ಮೀಜನ್ ಪುರ > ಅಮ್ ಜನ್ ಪುರ. ಇಲ್ಲಿ ಅಮ್ ಜನ್ ಪುರ ಮ್ ಮತ್ತು ನ್ ಎಂಬ ಎರಡು ಅನುನಾಸಿಕ ಅರ್ಧಾಕ್ಷರಗಳನ್ನು ಗಮನಿಸಿ. ಎರಡೂ ರೂಢಿಯಲ್ಲಿ ಸೊನ್ನೆಯಾಗಿ ಬದಲಾಗುವಂಥವೇ ಅಮ್ ಎನ್ನುವುದು ಸೊನ್ನೆಯಾದಾಗ ಮುಂದೆ ಜಕಾರವಿರುವುದರಿಂದ ಮ್ ಎನ್ನುವುದು ಞಕಾರವಾಗಿಯೂ, ನ್ ಎನ್ನುವುದು ಮುಂದೆ ಪಕಾರವಿರುವುದರಿಂದ ಮಕಾರವಾಗಿಯೂ ಪರಿವರ್ತನೆಯಾಗುತ್ತದೆ. ಆಗ ಇದರ ರೂಪ ಅಮ್ ಜನ್ ಪುರ > ಅಞ್ ಜಮ್ ಪುರ > ಅಞ್ಜಮ್ಪುರ > ಅಂಜಂಪುರ ಹೀಗಾಗುತ್ತದೆ. ಅಂಜಂಪುರ ಎನ್ನುವುದು, ಹಳೆಯ ಕತೆ ಗೊತ್ತಿಲ್ಲದವರಿಗೆ ಯಾವ ಅರ್ಥವನ್ನೂ ಕೊಡುವುದಿಲ್ಲ. ಆದ್ದರಿಂದ ರೂಪಭ್ರಮೆಯಿಂದ ಅಂಜ ಎನ್ನುವುದು ಅಜ್ಜ ಆಗುವುದು ಸಹಜ. ಆದ್ದರಿಂದ ಅಂಜಂಪುರ ಎನ್ನುವುದು ಅಜ್ಜಂಪುರ ಎಂದಾಗಿದ್ದರೆ ಅಚ್ಚರಿಯೇನಲ್ಲ 
    ಕೊನೆಯದಾಗಿ, ಸ್ಥಳೀಯನಾಮಗಳ ರೂಪಾಂತರಗಳನ್ನು ಊಹಿಸುವುದು ಸುಲಭದ ಮಾತಲ್ಲ. ಶಂಬಾಜೋಶಿಯವರು ಇಂತಹ ಅನೇಕ ರೂಪಪರಿವರ್ತನೆಗಳನ್ನು ಊಹಿಸಿ ನೀಡಿದ್ದಾರೆ.

    23
    • Like
    • Reply
    • 14h

    View 1 more reply



  • Shivaram Kaansen

    ಸದ್ಯ, ಗೂಗಲ್ ಸರ್ಚ್ ಮಾಡಿದಾಗ ಅಮೇಜಾನ್ ಪುರ ಅನ್ನದಿದ್ರೆ ಸಾಕು !

    4
    • Like
    • Reply
    • 13h



    • Manjunatha Kollegala
      badge icon

      ಅಮೇಜಾನ್ ಕೂಡ ನೂರಿನ್ನೂರು ವರ್ಷಗಳ ಬಳಕೆಯಿದ್ದರೆ ಕನ್ನಡೀಕರಣವಾಗುವಂಥದ್ದೇ

      3
      • Like
      • Reply
      • 13h



  • Bharat Narasipur Srikanta Sastry

    ಅಮ್ಮೀಜಾನ್ ಎನ್ನುವುದು ತಾಯಿಗೆ ಪ್ರೀತಿಯಿಂದ ಸಂಬೋಧಿಸುವ ಪದ. ಅಮ್ಮೀಜಾನ್ ಹೆಸರಿನ ಮುಸಲ್ಮಾನ (ಗಂಡಸು) ಇದ್ದಿರಬಹುದಾದ ಸಾಧ್ಯತೆ ಬಹಳ ಕಡಿಮೆ. ಮುಸಲ್ಮಾನ ಸ್ತ್ರೀಯೊಬ್ಬರು ಇದ್ದಿದ್ದರೆ ಆಕೆಗೆ ಅಷ್ಟು ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವ ಸಾಧ್ಯತೆ ಇದ್ದದ್ದು ಇನ್ನೂ ಕಡಿಮೆಯೆನ್ನಿಸುತ್ತದೆ.

    8
    • Like
    • Reply
    • 13h



    • Manjunatha Kollegala
      badge icon

      ಕಾಣಿಸಿಕೊಳ್ಳಬೇಕೆಂದೇನಿಲ್ಲ. ಆಕೆಯ ತ್ಯಾಗದ್ದೋ ಉಪಕಾರದ್ದೋ ನೆನಪಿಗೂ ಇಟ್ಟ ಹೆಸರಿರಬಹುದು. ಸ್ಥಳದ ಇತಿಹಾಸವನ್ನು ನೋಡದೇ ಇದು ಇತ್ಯರ್ಥವಾಗುವಂತಿಲ್ಲ.
      • Like
      • Reply
      • 8h



  • Ananda Vardhana


    Manjunatha Kollegala
     ಅವರೆ ಒಂದು ಹೆಸರಿನ(ಪದದ) ಉತ್ಪನ್ನವನ್ನು ಇಷ್ಟು ಚೆನ್ನಾಗಿ, ತಾರ್ಕಿಕವಾಗಿ ಹಾಗೂ ವ್ಯಾಕರಣದ ಚೌಕಟ್ಟು ಮೀರದಂತೆ ಉತ್ಕನ್ನಿಸಬಹುದೆಂದು ಅರಿತು ಅಚ್ಚರಿಯಾಯಿತು ಆದರೆ ಅದಕ್ಕಿಂತ ವಿಶೇಷವೆಂದರೆ, ಇಂಥ ಪ್ರಶ್ನೆಗಳು ಬಂದರೆ ಅಲ್ಲಿ ಜಾತಿ/ಪಂಥಗಳ ಚಾಯೆ ಇರುತ್ತದೆ ಅದು ನಮ್ಮ ಮನದ ಮೇಲೆ ಪ್ರಭ… See More

    7
    • Like
    • Reply
    • 9h



    • Nagashyla Kumar

      ತುಂಬಾ ಚೆನ್ನಾಗಿ ಹೇಳಿದ್ದೀರಿ. ಯಾವುದೇ ಪ್ರಭಾವಕ್ಕೆ ಒಳಗಾಗದೆ, ನಮ್ಮಂತಹವರ ಊಹೆಗೂ ನಿಲುಕದ ವಿವರಣೆಗಳೊಡನೆ, ಆದರೆ ಸರಳವಾಗಿ ಅರ್ಥವಾಗುವಂತೆ ಅನುಮಾನಗಳನ್ನು ಪರಿಹರಿಸುವ ಶ್ರೀ Manjunath kollegala ಇವರಿಗೆ ಶರಣು ಶರಣೆನ್ನಬೇಕು.

      3
      • Like
      • Reply
      • 9h



    • Nagendra Srinivas


      Ananda Vardhana
       ....ನನಗೂ ಹಾಗೆಯೇ ಅನ್ನಿಸಿತು.

      1
      • Like
      • Reply
      • 1h
      • Edited



  • ಶ್ರೀನಿವಾಸ್ ಎಸ್ ವಿ ಸರಗೂರು

    ಅಜ್ಜ... ಹೆಚ್ಚು ಹಿರಿಯರೇ ವಾಸಿಸುವ ಊರು ಯಾಕಾಗಿರಬಾರದು? ನಾವು ಅಜ್ಜಿ ಊರಿಗೆ ಹೋಗ್ತಿವಿ.. ಅನ್ನೋ ಹಾಗೆ ಅಜ್ಜನ ಊರು ಅಜ್ಜಂಪುರ ಆಗಿರಲಾರದೇಕೆ?
    • Like
    • Reply
    • 5h



  • Simha Melkote

    ಅಜ್ಜನ ಮುಂದೆ ಬೇರೆಬೇರೆ ರೀತಿ ಮಾರ್ಪಾಡಾಗಿರುವ ಊರುಗಳು
    ಅಕ್ಕಪಕ್ಕದ ರಾಜ್ಯಗಳಲ್ಲಿ ಕಾಣಬಹುದು. ಆದುದರಿಂದ ನಿಮ್ಮ ಊರಿನ
    ಹೆಸರು, ಯಾರೋ ಹಿರಿಯರ ನೆನಪಿನಲ್ಲಿ ಅಜ್ಜಮ್ ಪುರ ಎಂದೇ ಇರಬೇಕು.
    Image may contain: possible text that says 'Ajjampur Karnataka, India Ajjamarri Telangana, India Ajjampudi Andhra Pradesh, India Ajjamuru Andhra Pradesh, India Ajjampatty Tamil Nadu, India'
    • Like
    • Reply
    • 5h



  • Shankar Ajjampura

    ajjampura.blogspot.com ಈ ಕೊಂಡಿಯಲ್ಲಿ ಅಜ್ಜಂಪುರದ ಬಗೆಗಿನ ಅನೇಕ ವಿವರಗಳು ಲಭ್ಯವಿವೆ.
    ಅಂತರಜಾಲದಲ್ಲಿ ಅಜ್ಜಂಪುರ
    AJJAMPURA.BLOGSPOT.COM

    ಅಂತರಜಾಲದಲ್ಲಿ ಅಜ್ಜಂಪುರ
    ಅಂತರಜಾಲದಲ್ಲಿ ಅಜ್ಜಂಪುರ

    1
    • Like
    • Reply
    • Remove Preview
    • 5h



  • Shankar Ajjampura

    ಅಜ್ಜಂಪುರ ಹೆಸರಿನ ವ್ಯುತ್ಪತ್ತಿಯ ಬಗ್ಗೆ ಚರ್ಚೆ ನಡೆಯುತ್ತಿರುವುದು ಸಂತಸದ ಸಂಗತಿ. ನನ್ನ ಊರಿನ ಬಗ್ಗೆ ಕಳೆದೆಂಟು ವರ್ಷಗಳಿಂದ ಮಾಹಿತಿಗಳನ್ನು ಸಂಗ್ರಹಿಸಿ ಸ್ಥಳೀಕರು ಬರೆದಿರುವ ಅನೇಕ ಲೇಖನಗಳು ಮೇಲಿನ ಬ್ಲಾಗ್ ನಲ್ಲಿ ಲಭ್ಯವಿದೆ. ಅಜ್ಜಂಪುರವು ಅಜೀಮ್ ಖಾನ್ ಎಂಬಾತನ ಆಡಳಿತಕ್ಕೆ ಒಳಪಟ್ಟಿತ್ತೆಂದೂ, ಅದೇ ಮುಂದೆ… See More

    6
    • Like
    • Reply
    • 4h



  • Prasanna Revan

    ಆರ್ಯಪುರ - ಅಜ್ಜಂಪುರ ಆಗಿರ ಬಹುದು. ಅಜ್ಜ ಪದದ ವ್ಯುತ್ಪತ್ತಿ ಆರ್ಯ ಪದದಿಂದ ಆಗಿದೆ.
  • Achuthamurthy Blam

    18ನೇ ಶತಮಾನದಲ್ಲಿ ಅಜಾಂ ಖಾನ್ ಪಾಳೆಗಾರರಾಗಿದ್ದರು. ಅವರಿಂದ ಅಜ್ಜoಪುರ ಅನ್ನುವ ಹೆಸರು ಬಂದಿರಬಹುದು.
    • Like
    • Reply
    • 2h


    Write a reply...


  • Ramachandra Chandra

    ಶಂಕರ್ ರವರು ಹೇಳಿರುವಂತೆ ಅಜ್ಜನ ಪುರ ಕ್ರಮೇಣ ಅಜ್ಯನಪುರವಾಗಿರುವ ಸಾದ್ಯತೆಗಳುಂಟು ಕೊಳ್ಳೇಗಾಲ ತಾಲೂಕಿನ ಲ್ಲಿ ಅಜ್ಜಿಪುರ ಎಂಬ ಊರು ಇದ್ದು ಪೋಸ್ಟಲ್ ಪಿನ್ ಕೋಡ್ಬರುವ ಮುನ್ನ ನಮ್ಮ ಊರಿನ ಪತ್ರಗಳು ಅಲ್ಲಿಗೆಕಣ್ ತಪ್ಪು ನಿಂದ ಹೋಗಿ ನಂತರ ನಮ್ಮ ಊರಿಗೆ ಬರುತ್ತಿದ್ದ ಸಂರ್ಧಭಗಳು ಸಹ ಇತ್ತು.
    • Like
    • Reply
    • 2h

  • Sumathindra Nadig

    ಅಲ್ಲಿ ಶಾಸನ ಗಳಾವು ಇಲ್ಲ ವೆ ಇದ್ದರೆ ಅದರಲ್ಲಿ ಏನು ಹೇಳುತ್ತಾರೆ ಈಬಗ್ಗೆ ಸಮೀಪದ ಶಾಸನ ಗಳಲ್ಲಿ ಏನಾದರೂ ಪ್ರಸ್ಥಾಪ ಇದಯೇ ಎಂಬುದನ್ನು ಪರಿಶೀಲಿಸಿ ನೋಡಬೇಕು
    • Like
    • Reply
    • 1h

    • Shankar Ajjampura

      ಒಂದೇ ಒಂದು ಶಾಸನವಿದೆ, ಅದೀಗ ಓದಲಾಗದ ಸ್ಥಿತಿಯಲ್ಲಿದೆ. ಈ ಹಿಂದೆ ಓದಲಾಗಿದೆಯೇ ತಿಳಿಯದು.
      • Like
      • Reply
      • 57m

    • HR Panduraga Hirenalluru


      Shankar Ajjampura
       ಇಲ್ಲ ಯಾರೂ ಓದಿಲ್ಲ,ಎಲ್ಲೂ ದಾಖಲಾಗಿಲ್ಲ,ನೀವೇ ಓದಬಹುದು
      • Like
      • Reply
      • 42m

    • Shankar Ajjampura


      HR Panduraga Hirenalluru
       ಇತ್ತೀಚೆಗೆ ನಾನು ಊರಿಗೆ ಹೋಗಿ ನೋಡಿದಂತೆ, ಅದರಲ್ಲಿ ಅಕ್ಷರಗಳು ಕಾಣುವಂತಿಲ್ಲ.
      • Like
      • Reply
      • 11m

    • Sumathindra Nadig

      EC or MAR. or SII ನಲ್ಲಿ ಪ್ರಕಟವಾಗಿದೆಯೇ ಪರಿಶೀಲಿಸಿ
      • Like
      • Reply
      • 5m

    • Sumathindra Nadig

      ನಯನ
      • Like
      • Reply
      • 4m

ಕಾಮೆಂಟ್‌ಗಳು

  1. ಮಂಜುನಾಥ ಅಜ್ಜಂಪುರಫೆಬ್ರವರಿ 17, 2020 ರಂದು 12:45 AM ಸಮಯಕ್ಕೆ

    "ಅಜ್ಜಂಪುರ" ಸ್ಥಳನಾಮ ವ್ಯುತ್ಪತ್ತಿ :

    "ಅಜ್ಜಂಪುರ" ಸ್ಥಳನಾಮ ವ್ಯುತ್ಪತ್ತಿಯ ಬಗೆಗೆ, ಒಪ್ಪಲಾಗದ ಮತ್ತು ಅಸಂಬದ್ಧವಾದ ಮಾಹಿತಿಯೇ ಬಹಳ ವರ್ಷಗಳಿಂದ ಪ್ರಚಾರದಲ್ಲಿತ್ತು. ನಾನು ಹಿಂದೆ ಓದಿದ ೧೯೨೧ರ ಕಡೂರು (ಆಗ ನಮ್ಮದು ಕಡೂರು ಜಿಲ್ಲೆಯಾಗಿತ್ತು, ಅನಂತರ ಸುಮಾರು ಏಳು ದಶಕಗಳ ಹಿಂದೆ ಚಿಕ್ಕಮಗಳೂರು ಜಿಲ್ಲೆ ಎಂಬ ಅಭಿಧಾನ ಬಂದಿತು) ಜಿಲ್ಲಾ ಗೆಜೆಟಿಯರ್ (ಭೂ ವಿವರಣ ಕೋಶ)ನಲ್ಲಿಯೂ ಕಾಗಕ್ಕ - ಗೂಬಕ್ಕನ ಕಥೆಯೇ ಅಚ್ಚಾಗಿತ್ತು.
    ಕೆಲವು ವರ್ಷಗಳ ಹಿಂದೆ ಅಜ್ಜಂಪುರದ ಲೇಖಕರಾದ ಅಪೂರ್ವ (ಜಿ.ಬಿ.ಅಪ್ಪಾಜಿ) ಮತ್ತು ಬೀರೂರಿನ ಶಾಸನ ತಜ್ಞರೊಂದಿಗೆ ಮಾತನಾಡಿದಾಗ ಒಪ್ಪಬಹುದಾದ ಅನೇಕ ಸಂಗತಿಗಳು - ವಾದಗಳು ಒಡಮೂಡಿದವು.
    ಅಜೀಂ ಖಾನ್ ಇತ್ಯಾದಿ ಕಥೆಗೆ ಎಲ್ಲಿಯೂ ಆಧಾರವಿಲ್ಲ.
    "ಆರ್ಯಪುರ"ವೇ "ಅಜ್ಜಂಪುರ"ವಾಗಿದೆ ಎಂಬ ವಾದವು ಒಪ್ಪತಕ್ಕುದ್ದಾಗಿದೆ. "ಆರ್ಯ" ಪದದ ತದ್ಭವವೇ "ಅಜ್ಜ". ಮುಖ್ಯವಾಗಿ, ಅಜ್ಜಂಪುರದ ಸುತ್ತ ಅನೇಕ ಶತಮಾನಗಳ ಹಳೆಯ ವೈದಿಕ - ಶೈವ - ವೈಷ್ಣವ ದೇವಾಲಯಗಳಿವೆ. ಆಸಂದಿಯನ್ನು ವಿನಯಾದಿತ್ಯನು ಆಳುತ್ತಿದ್ದ ಎನ್ನಲಾಗಿದೆ. ಬಗ್ಗವಳ್ಳಿ - ಅಮೃತಾಪುರಗಳಲ್ಲಿ ಇರುವ ದೇವಾಲಯಗಳು ಏಳೆಂಟು ಶತಮಾನ ಹಳೆಯವು. ವಿಜಯನಗರದ ಬುಕ್ಕರಾಯ (ಹಕ್ಕ ಬುಕ್ಕರಲ್ಲಿ ಒಬ್ಬ) ಕಟ್ಟಿಸಿರುವ ಬುಕ್ಕಾಂಬುಧಿ ಕೆರೆಯೂ ತುಂಬ ಹಳೆಯದು. ಹೀಗೆ, ಅಜ್ಜಂಪುರದ ಸುತ್ತಮುತ್ತಲ ದೇವಾಲಯಗಳ - ಕೆರೆಗಳ - ಊರುಗಳ ಇತಿಹಾಸಕ್ಕೆ ಸಾವಿರ ವರ್ಷಗಳನ್ನು ಮೀರಿದ ಇತಿಹಾಸವಿದೆ.

    ಈ ಹಿನ್ನೆಲೆಯಲ್ಲಿ ಮೂಲತಃ "ಆರ್ಯಪುರ"ವಾಗಿತ್ತು, ಎಂಬ ವಾದವು ಒಪ್ಪುವಂತಹುದಾಗಿದೆ.
    ನಮ್ಮ ಇತಿಹಾಸ, ಪರಂಪರೆಗಳ ಅನೇಕ ಕೊಂಡಿಗಳೇ ಕಳಚಿಕೊಂಡುಹೋಗಿವೆ. ದೇವಾಲಯ ವಿಧ್ವಂಸಕ ಆಕ್ರಮಣಕಾರಿ ಪರಮತಗಳ ಬಗೆಗೆ, ನಮ್ಮ ಪೂರ್ವಿಕರು ಅವಜ್ಞೆಯಿಂದ - ಮುಗ್ಧತೆಯಿಂದ ವರ್ತಿಸಿಬಿಟ್ಟರು. ಈ ಕಾರಣದಿಂದ, ತುಂಬ ಸಾಕ್ಷ್ಯಾಧಾರಗಳು - ದಾಖಲೆಗಳು ನಾಶವಾಗಿಬಿಟ್ಟಿವೆ. ಹಾಗಾಗಿ, ಇಂದು ಇತಿಹಾಸವೆನ್ನುವುದು ಕಗ್ಗಂಟಾಗಿಬಿಟ್ಟಿದೆ. ಇತಿಹಾಸ ಪುನಾರಚನೆಯು ಕ್ಲಿಷ್ಟಾತಿಕ್ಲಿಷ್ಟ ಸವಾಲಾಗಿಹೋಗಿದೆ.

    ಪ್ರತ್ಯುತ್ತರಅಳಿಸಿ

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

95. ಲಾವಣ್ಯ ಕವಿರತ್ನ ರಾಯಸಂ ಶ್ರೀ ಸಿ.ಬಿ.ಹಣ್ಣೆ ಸಂಜೀವಯ್ಯ

ಇಮೇಜ್
ಹಣ್ಣೆ ಸಂಜೀವಯ್ಯನವರ ಭಾಷಣವನ್ನು ಶ್ರೀ ಕೆಂಗಲ್ ಹನುಮಂತಯ್ಯನವರು ಗಮನವಿರಿಸಿ ಆಲಿಸುತ್ತಿರುವುದು. ಪಕ್ಕದಲ್ಲಿ ಡಾ. ಸರ್ವಪಲ್ಲಿ ರಾಧಾಕೃಷ್ಣನ್ ಹಾಗೂ ಶ್ರೀ ತಗಡೂರು ರಾಮಚಂದ್ರರಾಯರು. ಶಂಕರ ಅಜ್ಜಂಪುರ, ರಾಮಚೆಂದಿರ್ ಹಾಗೂ ಹಣ್ಣೆ ಸಂಜೀವಯ್ಯನವರ ಮೊಮ್ಮಗ ಶ್ರೀ ರಾಮಚಂದ್ರ  ನಾನು ಅಂತರಜಾಲದಲ್ಲಿ ಅಜ್ಜಂಪುರ ಎಂಬ ಈ ಬ್ಲಾಗನ್ನು ಆರಂಭಿಸಿ ಎಂಟು ವರ್ಷಗಳೇ ಸಂದಿವೆ. ಪ್ರತಿ ತಿಂಗಳಿಗೆ ಒಂದು ಲೇಖನದಂತೆ, ನಾನೂ ಬರೆಯುತ್ತ, ಅಜ್ಜಂಪುರದ ಬಂಧು-ಮಿತ್ರರನ್ನು  ಕಾಡಿ ಬೇಡಿ ಅವರಿಂದಲೂ ಲೇಖನಗಳನ್ನು ಬರೆಸುತ್ತ, ಇದೀಗ ನೂರನೆಯ ಲೇಖನದತ್ತ ಬಂದಿದ್ದಾಯಿತು.  ಆರಂಭದಲ್ಲಿ ಕೇವಲ ಅಜ್ಜಂಪುರದ ವ್ಯಕ್ತಿಗಳು, ವಿಶೇಷಗಳಿಗೆ ಮಾತ್ರ  ಸಂಬಂಧಿಸಿದ ಲೇಖನಗಳನ್ನು ಬರೆಯುತ್ತೇನೆಂದು ಭಾವಿಸಿದ್ದರೂ ಅದು ಹಾಗಾಗಲು ಬಿಡಲಿಲ್ಲ. ಅಜ್ಜಂಪುರದ ಸುತ್ತಮುತ್ತಣ ವ್ಯಕ್ತಿಗಳು, ಸ್ಥಳಗಳು ಅಜ್ಜಂಪುರವನ್ನು ಪ್ರಭಾವಿಸಿದ್ದು ಇದೆಯಾಗಿ, ಅವುಗಳನ್ನು ಸ್ಮರಿಸದೇ ಹೋದರೆ, ಅದು ಅಪೂರ್ಣ ಕಾರ್ಯವಾದೀತೆಂಬ ತಿಳುವಳಿಕೆ ನಂತರ ಮೂಡಿತು. ಹೀಗಾಗಿಯೇ ಈ ಸಂಕಲನದಲ್ಲಿ ಅಜ್ಜಂಪುರದ ಸಮೀಪದ ಗಡಿಹಳ್ಳಿ, ಹಣ್ಣೆ, ಬಗ್ಗವಳ್ಳಿ ಮುಂತಾದ ಗ್ರಾಮಗಳ ಪ್ರಸ್ತಾಪ ಬಂದಿದೆ. ಇದು ಅಜ್ಜಂಪುರದ ವಿಷಯ ವ್ಯಾಪ್ತಿಗೆ ಪೂರಕವಾಗಿರುವುದರಿಂದ ಹೆಚ್ಚಿನ ಮಾಹಿತಿಗಳನ್ನು ಅರಿಯಲು ಸಹಾಯಕವಾಯಿತು. ಅದಂತಿರಲಿ. ಈ ಲೇಖನದಲ್ಲಿ ಪ್ರಸ್ತಾಪಿಸಿರುವ ಶ್ರೀ ಹಣ್ಣೆ ಸಂಜೀವಯ್...
ಇನ್ನಷ್ಟು ಓದಿ

126. ಅಪೂರ್ವ ಕಥೆ ಕವನಗಳ ಅವಲೋಕನ

ಇಮೇಜ್
ಗೆಳೆಯ ಅಪೂರ್ವ ಅಜ್ಜಂಪುರ ಇವರ "ಒಂದಷ್ಟು ಕಥೆಗಳು ಕವಿತೆಗಳು" - ಈ ಪುಸ್ತಕದ ಅವಲೋಕನವು ಇತ್ತೀಚೆಗೆ ಅಜ್ಜಂಪುರದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ನಡೆಯಿತು. ಅದರ ಅವಲೋಕನದ ವರದಿ ಇಲ್ಲಿದೆ.  ಅವರು ನನ್ನ ಮಿತ್ರರು ಎಂಬ ಅಭಿಮಾನ ಒಂದು ಕಡೆ ಇದ್ದರೆ, ಈ ಪುಸ್ತಕದ ಪ್ರಕಟಣಾಪೂರ್ವ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ಭಾಗವಹಿಸುವಂತಾದುದು ಕೂಡ ನನಗೆ ಸ್ಮರಣೀಯ ಸಂಗತಿ.  ಊರ ಲೇಖಕನ ಪುಸ್ತಕವು ಊರಿನಲ್ಲೇ ಅವಲೋಕನಗೊಂಡಿರುವುದು ಕೂಡ ವಿಶೇಷ ಹೌದು! ಚಿತ್ರ - ವರದಿಗಳು ಇಲ್ಲಿವೆ. ಸಂಪಾದಕ ಶಂಕರ ಅಜ್ಜಂಪುರ ಅಂತರಜಾಲದಲ್ಲಿ ಅಜ್ಜಂಪುರ ******************************* "ಅಪೂರ್ವ ಬರೆದದ್ದು ಒಂದಷ್ಟಾದರೂ ಅವು ಅಪರೂಪದ ಸಣ್ಣಕತೆಗಳು, ಕವಿತೆಗಳು!" ಈ ಮಾತು ಹೇಳಿದವರು ಕನ್ನಡ ಪ್ರಾಧ್ಯಾಪಕರಾದ ಪ್ರೊ.ಮಹಾಲಿಂಗಪ್ಪ. ಸಂದರ್ಭ :  ಅಜ್ಜಂಪುರದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ೨೦೨೪ರ ಮೇ ತಿಂಗಳ ೨೪, ಶುಕ್ರವಾರದಂದು ಅಖಿಲ ಭಾರತೀಯ ಸಾಹಿತ್ಯ ಪರಿಷದ್ ತಾಲೂಕು ಸಮಿತಿ ಮತ್ತು ಸ.ಪ್ರ.ದ.ಕಾಲೇಜು ಸಂಯುಕ್ತವಾಗಿ ಆಯೋಜಿಸಿದ 'ಒಂದಷ್ಟು ಕಥೆ, ಕವಿತೆಗಳು' ಒಂದು ಅವಲೋಕನ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿ, ಈ ಅಭಿಪ್ರಾಯ ವ್ಯಕ್ತಪಡಿಸಿದರು. 'ಒಂದು ನಿಧಿಯ ಸುತ್ತ' ಕತೆಯಲ್ಲಿ ಜಾನಪದ, ಐತಿಹಾಸಿಕ ಹಿನ್ನೆಲೆಯಲ್ಲಿ ವರ್ತಮಾನದ ಪ್ರಸಂಗವು ಬಿಚ್ಚಿಕೊಳ್ಳುತ್ತದೆ. ಕತೆಯು ನಡೆಯುವ 'ಅಸಾವತಿ'ಯು ಗಂಗರ ...
ಇನ್ನಷ್ಟು ಓದಿ

ಅಜ್ಜಂಪುರ ಸೀತಾರಾಂ

ಇಮೇಜ್
ಎಲ್ಲರಿಗೂ ಕರ್ನಾಟಕ ರಾಜ್ಯೋತ್ಸವದ ಶುಭಾಶಯಗಳು  ! ಪತ್ರಿಕೆಗಳು ರಾಜ್ಯೋತ್ಸವಕ್ಕೆಂದು ವಿಶೇಷ ಸಂಚಿಕೆಗಳನ್ನು ಹೊರತರುತ್ತವೆ. ನಾನು ನನ್ನ ಬ್ಲಾಗ್ ನ ಸಲುವಾಗಿ ಈ ಬಾರಿ ಅಜ್ಜಂಪುರ ಆನಂದರನ್ನು ಕುರಿತಾಗಿನ ವಿಶೇಷ ಲೇಖನ ಪ್ರಕಟಿಸಬೇಕೆಂದುಕೊಂಡಿದ್ದೆ. ಇದಕ್ಕೆಂದು ಸಂಗ್ರಹಿಸಿದ್ದ ಮಾಹಿತಿಗಳು ನಾನು ಅಮೆರಿಕದ ಪ್ರವಾಸದ ಇರುವ ಈ ಹೊತ್ತಿನಲ್ಲಿ ದೊರಕುವಂತಿರಲಿಲ್ಲವೆಂಬ ಯೋಚನೆಯಿತ್ತು. ಆದರೆ ಹೊಯ್ಸಳ ಕರ್ನಾಟಕ ಬಳಗದ ಗೆಳೆಯ ಸುನೀಲ್ ರನ್ನು ಸಂಪರ್ಕಿಸಿದಾಗ ತಮ್ಮ ಮಾಹಿತಿ ಸಂಗ್ರಹದಿಂದ ಕಳಿಸಿಕೊಟ್ಟರು.  ಅವರಿಗೆ ಧನ್ಯವಾದಗಳು. ಅವರನ್ನು ಕುರಿತಾದ  ಸುನೀಲ್ ಹಳೆಯೂರು ಸಂಗ್ರಹಿಸಿ ರು ವ  ವಿಸ್ತೃತ  ಲೇಖನ  ಇಲ್ಲಿದೆ. ಅಂತೆಯೇ ಹೊಯ್ಸಳ ಕರ್ನಾಟಕ ಸಾಧಕರು ಮಾಲೆಯಲ್ಲಿ ಒಂದು ಕಿರುಪುಸ್ತಕವೂ ಪ್ರಕಟವಾಗಿದೆ. ಆನಂದ ರ    ನಿಜವಾದ ಹೆಸರು ಅಜ್ಜಂಪುರ ಸೀತಾರಾಂ. ಇವರ ಸಂಬಂಧಿಗಳೇ ಆದ ಶ್ರೀ ಅಜ್ಜಂಪುರ ಕೃಷ್ಣಸ್ವಾಮಿಗಳ ಬಗ್ಗೆ ಒಂದು ಲೇಖನ ಬ್ಲಾಗ್ ನಲ್ಲಿ ಪ್ರಕಟವಾಗಿದೆ. ಕೊನೆ ಸಿಡಿ :  ಅಜ್ಜಂಪುರದಲ್ಲಿ ಸೀತಾರಾಂ ಇವರ ಹೆಸರನ್ನು ಒಂದು ರಸ್ತೆಗೆ ಇಡಲಾಗಿದೆಯೆಂದು ತಿಳಿದು ಸಂತೋಷವಾಯಿತು. ಇದಕ್ಕೆಂದು ಅಜ್ಜಂಪುರದಲ್ಲಿರುವ ನನ್ನ ಗೆಳೆಯನಿಗೆ ಈ ಚಿತ್ರವನ್ನು ಕಳಿಸಿಕೊಡಬೇಕೆಂದು ಕೋರಿದೆ. ಈ ಲೇಖನದೊಡನೆ ಚಿತ್ರವನ್ನು ಪ್ರಕಟಿಸಬೇಕೆಂದು ಆಶಿಸಿದೆ. ಅವ...
ಇನ್ನಷ್ಟು ಓದಿ